Njengoba izikolo zivulwa ngolwesibili abanye abazali kwezinye izikolo zelizwe abakade befuna ukubhadala imali yama school fees ngemali yohlobo lwama Zig babikwa betshelwe ukuthi bamele badinge amadola eMelika kumbe iRand le South Africa.
Lokhu izikolo zikwenza lanxa uhulumende esithi imihlobo yemali yonke kumele yamukelwe.
Unobhala wezokwethula kwemibiko uMnu. Nick Mangwwana eloba enkundleni yokuxhumana, eye X, uthe okwenziwa yizikolo lezi yikwephula umthetho.
Sixoxe lesikhulumeli senhlanganiso yamatitshala eye Amalgamated Rural Teachers’ union, uMnu. Thembakuye Moyo yena othi umanyano wenhlanganiso zamatitshala othiwa FODEZ, wavumelana ukuthi amatitshala engayi emsebenzini kusukela ngomvulo uhulumende aze akhweze iholo labo ebabhadala ngedola leMelika kuphela.
Forum